بسـم الله الرحمن الرحيم

الموضوع كان في المسوده له فترة وكان المفروض ينزل باول يوم اوصل فيه من المسجد الحرام لكن المشكله كل ماشوفه تضيق انفاسي وتبداء حالة المغص تثير اعصابي واتوتر وراح تعرفون وشو السبب باذن الله .

في البدايه كنت افكر قبل اخذ اجازتي المعتاده وين اروح فيها !!! , الاستراحه او طلعة بر او اخليها زيارة على الاقارب مع اني سيئ جدا في الزيارات ولكن بدت فكرة جديدة من الاهل ( وش رايك نروح نعتمر  ) , كانت فكرة ممتازه بالنسبه لي  ولكن احتاج الى تاييد واحتاج الى ( خوي درب ) المهم يكون واحد له خلفيه بشوارع مكه ( اهل مكة ادرى بشعابها ) .

رجعت من الدوام وكانت اول ساعات الاجازه لي , زينا امور السياره وشريت اغراضي الي احتاجها , وابشركم احد اخوان الكبار قرر ( يخاوينا ) بصرحه وقتها فرحة فرح شديد لاني اولها مادل شوارع الحرم زين وخاصه اني بوقف قريب من الحرم وثاني شي شخص استشيره ويدلي بما لديه من اراء .

وبدات الرحلة وبدأ قائد المركبة يوجه النصائح والتعليمات للركاب ( تخبرون الي خايف على سيارته ) , ( يمه لا تسحبين حزام الامان الي عندي  , جبتو الشاهي والقهوه , لايكون نسيتوا حزام الحرام … ) .

في البدايه الطريق جدا ممتع وخاصه مع السوالف والضحك والذكريات القديمه وخاصه اميمتي الله يخليها لي تذكرنا باشياء عسل ونسيناها مع مرور الايام .

انتصف الطريق , وبديت استرجع ذاكرتي في الادعيه والاذكار في العمره والحمد لله مافيه شي ناسيه ومع كذا اخذت كتيب عن العمره فيه الادعيه وكل الاذكار وركزوا اني ماني ناسي شي الان وحافظ كل الادعيه والاذكار .

وصلنا الان مكه وللاسف لاني اسوق ماقدرت اصور لكم المناطق الي صورتها , طلبت المساعده من اخوي على الطريق الصحيح , والحمد لله وصلنا بكل سهوله بفضل الله ثم بفضله ( ولا كان تلاقوني بحرامي على كرنيش جده ) .

الان همي الكبير ابي اوقف في اقرب مكان من المسجد علشان يسهل علي الامر بعد العمرة , وبعد توجيهات اخوي الكبير جزاه الله خير لقينا مكان محترم جداً جداً وقفت وانا مرتاح ونزلنا الحرم .

فعلاًشعور لا يوصف وخاصه اني واصل قبل الفجر بساعه تقريباً اجواء خياليه وهدوء النفس , بدينا في العمره همي الكبير الان لا نتفرق ونضيع  وكنت خايف اضيع ( لان ضيعتي شينه ) , كان اول طوافي شي غريب , لاني كنت اسئل اخوي وارجع اسئل اهلي ( ياولد وشو الدعاء ذكرني باوله نسيته  ) , وكل طوفه انسى دعاء مابين الحجر الاسود والركن اليماني الا الثلاث الاخيره من فضل ربي ركزت شوي ولا احتجت الى مساعده و الشي الرائع اني قبل كنت اتعب لكن الان احس بعد كل طوفه بنشاط من فضل رب العالمين .

توجهنا الان الى المسعى , انا متاكد من حفظي للادعيه لاني كنت اقراها عليهم في السياره ولكن الان كاني لم اسمع في الادعيه نهاااائيا وتفشلت مع اخوي واهلي , سعينا ولله الحمد وكانت اروع من قبل وخاصه نشاطي الى الان يزيد من فضل رب العالمين .

الان وقت الشروق , وقت الشروق وفي الحرم !!! شي لايوصف ابداً وايضا وجود الحشود والجنسيات المتعدده في وجيهها الفرح التااام  لكم الصور .

مكة المكرمة

مكة المكرمة

مكة المكرمة

مكة المكرمة

مكة المكرمة

مكة المكرمة